Тоҷикӣ  | Русский 

  • 16:30 – Консерту оташбозӣ ба тантанаи ифтитоҳи "Роғун" дар Душанбе 
  • 15:00 – Намояндагони воломақоми ҳукуматҳои Афғонистону Ӯзбекистон ва Русия ба Роғун меоянд 
  • 15:00 – БОР баҳри васли Тоҷикистон бо низомии энергетикии ОМ 35 млн. доллар ҷудо мекунад 
  • 15:00 – Омодагии №1. Ҳозир дар нерӯгоҳи Роғун чӣ корҳо ҷараён доранд 

Муҷозоти кормандони милитсияи Қирғизистон барои қатли духтар дар бинои ШКД

Вазорати умури дохилии Қирғизистон санҷиши дохилиро дар робита ба куштори Бурулай Турдаалӣ қизии 20-сола дар шуъбаи пулиси ноҳияи Жайил ба поён расонд. Бино ба иттилои Бахши хабарии Осиёи Марказӣ, яке аз муовинони сардори шуъба барканор ва якеи дигар ба иҷрои номуносиби вазифаи хидматӣ айбор шудааст. Гуфта мешавад, ҳамчунин муфаттиши шуъбаи пулиси Жайилро ба хотири сари вақт баррасӣ накардани ариза дар бораи дуздида шудани духтар, ки боиси куштори ӯ ва паст гардидани обурӯи кормандони пулиси қирғиз шуд, аз мақомаш барканор карданд. Сардори бахши назорати роҳҳо ва сарнозири қисми навбатдори шуъбаи мазкур аз мақомҳои худ барканор шуда, як қатор кормандони дигар танбеҳ гирифтанд. Дар натиҷаи санҷиши дохилии мазкур ҷамъан 23 кормандони мақомоти ҳифзи ҳуқуқ муҷозот шуданд. Натиҷаҳои санҷиш барои баҳои ҳуқуқӣ додан ба додситонӣ ирсол шудааст. Додситонии ноҳияи Жайил низ зидди кормандони шуъбаи пулис бо банди "Хунукназарӣ" парвандаи ҷиноӣ боз карда, идомаи тафтишотро Идораи амнияти ноҳия анҷом хоҳад дод. Ёдрас мешавад, ки рӯзи 27 май дар шуъбаи пулиси ноҳияи Жайили вилояти Чуй Бурулай Турдиалӣ қизӣ аз захми корд ҷон бохт. Духтарро марде корд зад, ки ба хотири издивоҷ ӯро дуздида буд. Ин мард баъдан худро низ захмӣ кард ва ҳоло дар шуъбаи эҳёгарӣ табобат мешавад. Тарҷумаҳо:
Муҷозоти кормандони милитсияи Қирғизистон барои қатли духтар дар бинои ШКД
Руcский ИА "Азия Плюс"